Hindi alam ni Jared kung gaano katagal silang nagyakap ni Jheann habang parehong umiiyak ang isa't isa. At sa sandaling bumalik sila sa mga bisig ng isa't isa ay naramdaman ni Jared na sapat na iyon para mapawi ang lahat ng sakit, lungkot at galit na naipon sa kaniyang puso sa nakalipas na pitong taon. Ni minsan sa isip niya noon ay hindi niya akalain na makakabalik siya sa piling ng babaeng minamahal.
Sino ba naman kasi ang hindi mawala ng pag-asa kung ang tanging babaeng gusto mong ihatid sa altar at makasama habang buhay ay nakatali na sa iba, 'di ba?
Iba rin talaga kung magbiro ang tadhana. Ang daming pasikot-sikot na ginawa nito sa buhay ni Jared. Ang akala niya noon ay talagang siya na ang pinakamalas na tao sa buong mundo, na itinakwil na siya ng Diyos sa dami ng pagsubok na pina
