WALANG pagsidlan ng kasiyahan ang puso ni Jheann nang araw na iyon. Dahil nakikita niya kung gaano rin kasaya ang anak niya. Paano naman kasi hindi? Kung lahat ng gusto nitong gawin, puntahan at kainin ay nakukuha nito nang walang kahirap-hirap. At hindi siya ang nag-spoiled sa anak kundi si Jared.
May nagustuhan nga itong stuff toy sa isang mall kanina na hindi binebenta at for promotional use only. Ayaw talagang ibenta ng may-ari ng antique shop kasi vintage item daw iyon at napakamahal ng presyo. Wala na rin daw katulad niyon sa buong mundo.
Pero dahil iniyakan talaga ni Hope at ayaw nitong umalis sa store na iyon kaya kinausap ni Jared ang may-ari at binili ang laruan na iyon sa triple ang halaga. Gulat na gulat nga si Jheann kahit ang may-ari kaya pumayag ito. Tuwang-tuwa naman si
