MULA sa kaniyang inuupahang kuwarto sa isang five-star luxury hotel ay tanaw ni Jared ang resort na kinaroroonan nina Ahmet Yilmaz at ng mistress nito. Kakampi talaga niya ang pagkakataon dahil hindi na niya kailangan pang pumunta ng Istanbul para lang gawin ang misyon niya. Kaya nga nang malaman nila ni George kahapon na pupunta ngayon dito sa London si Ahmet Yilmaz ay agad nilang pinlano ang pagpatay dito.
Kapagkuwan ay nilingon ni Jared ang mga armas na gagamitin niya mamaya para isakatuparan ang kaniyang misyon.
Naroon ang kaniyang forty-five gun caliber at sniper rifle na parehong may silencer at fingerprint sensor, fighting knife, at marami pang iba na puwede niyang magamit kapag nagkagipitan. Marami pa namang bodyguards si Ahmet Yilmaz na nakakalat sa paligid. Nagpapanggap na nor
