"RALPH Smith?!" hindi napigilan ni Jared ang sarili na mapabulalas nang mapagsino ang lalaking nakatunggali na niya ng dalawang beses. Tama nga ang hinala niya. Ito ang kapatid ni Jheann at ang impostor na panganay na anak daw ni Oliver Smith ayon sa The Sky. "Ikaw ang pumasok noon sa mansiyon ko at umatake kay Jheann? Ikaw ang kapatid niya at ang ipinasok ni Oliver Smith na isa sa mga professional assassin ng The Sky?"
Hindi lang mukha ni Jared ang napuno ng pagtataka dahil sa pagsiwalat. Siguradong mas gulat na gulat ang mga ito kung paano niya nalaman ang buong katotohanan. At batid niya na hindi niya iyon dapat ginawa. Dahil sa binabalak niyang gawin ay lalo lang niyang inilagay sa panganib ang buhay nilang lahat. Pero hindi na siya dapat na magpatumpik-tumpik pa.
"J-Jared, paano mo
