Kabanata 53:
Hinihingal na naupo si Johnson sa malaking batong malapit lang sa kanya. Kanina pa siya tinuturuan ni Archer ng pamamana ngunit hanggang ngayon ay hindi pa rin niya nakukuha nang tama kung paano.
“Ayaw ko na!” bulalas niya. Bumaba ang kanyang tingin sa namumula niyang mga kamay. Mayroon na rin siyang galos at sugat dahil sa kahihila ng string.
“Ang bilis mo namang sumuko,” nakangising ani Archer.
Nag-angat siya ng ulo at sinundan ng tingin ang pag-upo ni Archer sa tabi niya. Kaagad na hinawakan nito ang kanyang kamay na maraming maliliit na sugat.
“Mas malala pa nga rito ang sinapit ng kamay ko noong simulan ko ang pamamana.”
Binawi niya ang kanyang kamay dahil akmang hahawakan pa nito ang sugat.
“Basta, ayaw ko na. Ang sabi mo hindi ko naman kailangan.”
Bahagya itong
