ISINUOT ni Ashea ang binigay sa kanya ni Albert na pulang blouse at itim na maong na pantalong hapit sa kanya. Stretchable naman at hindi mainit sa balat. First time niyang nagsuot ng two inches sandals na kulay pula. Inipon niya lahat ng ga-balikat niyang buhok saka itinali ng mataas. Nagtira siya ng konting hibla sa kanyang noo. Para hindi naman siya magmukhang alalay ni Steve, pinahiran niya ng manipis ng pulang lipstick ang labi niya at naglagay ng manipis na eyeliner, na nagpasingkit lalo sa mga mata niya.
Face powder lang ang nilagay niya sa mukha para hindi maging oily. Wala siyang ideya kung saan siya dadalhin ni Steve. Pagbibigyan lang niya ito para lang manahimik ito.
Paglabas niya ng kuwarto ay nakita niya sa sala si Steve na nakaupo sa sofa. Nakasuot ito ng kulay abong polo-s
