Pagkarating sa paaralan, agad na lumabas ang dalaga sa sinasakyan nitong kotse. Tanging nasa isip nito ay ang sinasabi ni James sa kabilang linya kagabi doon sa hospital.
Akmang sasakay na sana ito sa elevator nang may biglang humila sa kanya. Papunta siya ngayon sa parking lot kasama ang hindi niya namataang lalaki na siyang humihila sa kanya.
Pagkarating sa parking lot, agad siyang pinasakay sa kotse nito at saka agad itong isinara.
"James?" Gulat na wika nito sa binata.
Nagtataka ang dalaga kung bakit nandito pa ito sa parking lot. Medyo late na at sa mga oras na ito'y dapat nasa silid na ito at nagtuturo.
"Ba-bakit ka nandito? At sak..." Natigilan sa pagsasalita ang dalaga nang sitahin siya ng binata na tumahimik.
"May problema tayo." Wika nito. Muli nanaman niyang narinig
