Hindi lang siya nabingi sa narinig, bahagyang tumigil din sa pag-ikot ang kanyang mundo sa karagdagang isiniwalat ni Vin. Pero paano naman nangyari iyon? Hay, mas lalo na tuloy siya ngayong naguguluhan.
Umiling siya at kinalma ang sarili. Hindi maaaring basta na lamang siyang maniniwala ng walang kasiguraduan sa natanggap na balita. Higit sa lahat, ebidensya ang dapat na ilantad nito upang lubos na siyang mapaniwala. Isa pa kailangan niya ring kalmahin ang kaibigan baka nagkakamali lang ito ng pinaniwalaan.
“Vin, hindi magandang akusasyon iyang sinasabi mo. Napakaseryosong bagay na niyan at pwede mo pa iyang ikakulong. Naiintindihan ko namn kung hinahangad ni Krista ang aking kapahamakan dahil galit siya sa akin ngunit hindi wasto na pati ang anak niya ay pagdudahan mo ng ganyan.”
“Higi
