Nagising ako nang maamoy ang mabangong aroma ng sa tingin ko ay iniihaw nilang barbecue. I took a glance at the wall clock and saw that it was already six in the evening. Hindi ko namalayan na sobrang haba ng naging tulog ko.
Bukod kasi sa komportable naman talaga ang higaan ay sobrang presko pa, kung tutuusin ay walang air-conditioner, ni hindi ko rin binuksan ang electric fan kahit na tanghali pero napakalamig ng simoy ng hangin. Kaya malamang sa malamang ay iyon ang dahilan kung bakit napasarap ako sa tulog.
At pagkamulat ko sa mga mata ko, parang sobrang gaan ng pakiramdam ko. Saglit na nawala sa akin ang lahat ng nangyayari ngayon lalo na sa pagitan namin ni Jag. I felt like everything’s normal, and it’s damn refreshing.
Mabilis naman akong tumayo mula sa kama at nagtungo sa banyo
