"Anong ginagawa mln'yo rito?" agad niyang tanong sa kambal na panauhin ng ina.
"Kuya. Tawagin mo kaming Kuya," agad na sabad ni Hilary.
Kaso nag-isang linya ang kilay niya dahil sa tinuran nito.
"At sino ang nagbigay ng suwerte sa inyong dalawa upang tawagin ko kayo ng Kuya? Did I acknowledge you both as my brothers? Umalis kayo sa aking paningin dahil kung hindi ay hindi n'yo magugustuhan ang aking gagawin. Kaunti lang ang aking pasensiya kaya't mas mabuti kung sumunod kayong dalawa!" singhal niya sa mga ito.
Inagaw ng mga ito ang kaniyang atensiyon mula sa kaaya-ayang senaryo ngunit nais pa yata siyang pakialaman.
"Well, sa ayaw at sa gusto mo, brod. Kahit ayaw mo kaming tawaging Kuya ay wala kang pagpipilian. Paniwalaan mo kami ni kambal dahil iyan ang totoo. At nandito kami upang
