NATUTUWA AKONG PANUORIN si Tanner na kung ano-ano ang itinuturo kay Adrian habang nasa Department Store kami at tumitingin ng mga laruan.
Maraming mata ang nakatingin sa amin, sa bawat pagsigaw ni Tanner ay may mga tumitingin. Nakasakay sa batok ni Adrian si Tanner at hawak naman ni Adrian ang dalawang kamay ng bata habang ako ay nakasunod lang sa kanila.
Mukha talaga silang mag-ama. Aminin ko man sa sarili ko at sa hindi, para talaga kaming pamilya. Idagdag pa ang tawag sa amin ni Tanner na Mama at Papa.
“Papa, I want that!” itinuro ni Tanner kay Adrian ang isang drone.
“Aye aye, captain!” saad ni Adrian na ikinatuwa ni Tanner. Naglakad sila papunta sa p’westo ng maraming drone at sinalubong naman sila ng isang saleslady.
“Naka-sale po ngayon ang mga ‘yan, sir. May fifty percent off,
