KATULAD nga ng gusto ni Theron ay hindi na nga siya nito pinatira pa sa inuupahan niyang apartment, pinalipat na siya sa isang malaking condominium na pag-aari lang din nito.
Iyon nga lang ay medyo malayo sa school. Pero hindi na rin problema dahil may maghahatid na ulit sa kaniya na mamahaling sasakyan at personal na driver.
Gusto pa nga sana siyang ilipat ng school ni Theron, pero tumanggi siya, dahil ilang weeks na lang ay graduation na rin niya.
Lubos naman siyang nagpapasalamat na hindi na siya nito pinilit pang bumalik ng mansyon, parang binawasan na kahit papaano ang pagiging mahigpit nito sa kaniya. Pinagalitan lang siya ng konti dahil sa pagtakas niya, huwag na huwag na raw niya uulitin pa, dahil sa susunod ay magagalit na ito sa kaniya at talagang ikukulong na siya sa basement
