"'Ma? Ano 'yun? Ano 'yung ginawa mo dun?" inis na tanong ko kay Mama pagkapasok pa lang namin ng bahay.
Kampanteng naglakad si Mama at naupo sa mahabang sofa, na para bang hindi ako nagtatanong. Hinubad niya ang two-inch niyang wedge na open-toe sandals, at saka nakangiwing hinilot-hilot ang mga daliri niya sa paa.
"Hindi na kasi ako sanay na nagsusuot ng ganitong mga sapatos. Tsk! Ang sakit ng paa ko," pagrereklamo pa niya.
"'Ma, tinatanong kita!"
Maang na patingalang tiningnan ako ni Mama.
"Sinisigawan mo na ako, Athena?"
"Sagutin mo ang tanong ko, 'Ma!" iritadong sigaw ko pa rin.
Ngayon ay iritado na ang pagkakatingin sa akin ni Mama.
"Narinig mo naman iyong kuwento ko kanina, di ba? Hindi ka naman siguro bingi."
"'Ma, tell me. Hindi totoo iyong mga sinabi mo kanina, right
