It's three-fortyfive in the morning.
Kanina pang alas tres ng madaling araw ako nagising. Pero sa takot na baka hindi ako magising ng alas-kuwatro, kaya magmula alas tres ay hindi na ako natulog. Ito kasi ang oras na usapan namin ni Romeshell na oras ng pag-alis ko dito sa resort ng mga Madrigal.
Merong siyang kinausap na tiyuhin daw niya na merong kotse, at pumayag naman sa halaga na inalok ko bilang kabayaran sa paghahatid niya sa akin pauwi. Nung una ay atubili si Romeshell sa ideya ko. Alam ko namang na kay Jett ang loyalty niya. Malamang, iyon ang nagpapasahod sa kanya.
Pero sadya yatang mabait si Romeshell kaya napapayag ko rin siya sa bandang huli.
"Naku, Ms. Athena. Mahirap po iyan. Baka alisin ni Sir Jett ang scholarship ko kapag nalaman niyang tinulungan kitang tumakas."
