Manghang nakatingin lang ako kay Pamela. Napakaganda naman ng timing niyang dumating. Nakaismid naman siya sa akin na tila ba isang napakalaking sikreto ang narinig niya na damay ang buong bansa.
Humakbang siya papasok ng kuwarto ko kahit wala namang nagpapapasok sa kanya. Isinara niya ang pintuan nang hindi tumitingin kaya naiwan sa labas ang kaibigan niyang si Claire. Narinig ko pa ang pagtawag ni Claire sa pangalan niya, pero parang hindi naman niya ito napansin. O sadyang hindi pinansin? Hindi ko alam kung hindi ba siya aware o sinadya niya talagang i-lock ang pintuan ng kuwarto ko.
“That’s why…” sarkastikong sabi ni Pamela direkta sa akin, habang humahakbang palapit sa kinatatayuan namin ni Jett.
Nilingon ko si Jett, kalmado lang siyang nakatingin kay Pamela. Huminto si Pamela sa
