Hinubad ko ang cropped top na suot ko, at saka uli hinanger. Pinagmasdan ko muna siya bago isinabit uli sa closet ko.
Ano ba kasi ang isusuot ko? Napakamot ako sa ulo ko at saka isa-isa uling binistahan ng tingin ang mga damit na inilabas ko at sinubukan ko nang isuot.
Ang gusto ko kasi ay komportable ako sa suot ko, pero ayaw ko namang mag-assume si Jett na gusto kong may mangyari sa amin.
Katulad na lang nung cropped top. Nung huli kong suot ng ganyang damit na magkasama kami ni Jett ay napapaso ako kapag dumidikit ang balat niya sa balat ko.
Ayaw ko naman ng loose na t-shirt, at baka magmukha naman akong yaya ni Jett. Ang hirap kasi kay Jett, parang hindi tumatanda. Ganun pa rin ang face features niya at kahit anong isuot niya ay mistula siyang bagets. Ganun siya kagaling magdal
