Julianna
Mag-a-alas dose na ng gabi, at dapat sana ay mahimbing na ang tulog ko sa ganitong oras lalo na't nandito ako sa bahay na kinalakihan ko, at nakahiga sa kamang hinihigaan ko sa loob ng mahabang taon.
Ngunit ang problema ay hindi ko alam kung bakit hindi ako makatulog.
Dati naman ay sobrang komportable ng pakiramdam ko rito, ngunit ngayon? Parang napakalaki nitong kama kahit na ang totoo ay pang-isa ka-tao lamang.
Parang bang may kulang dito. Mayroong hinahanap ang katawan ko na hindi ko malaman kung ano.
Hindi ko maintindihan kung bakit ganito gayong ito talaga ang kwarto ko.
O baka dahil wala rito si Jercie kaya parang hindi kumpleto ang pakiramdam ko?
At hindi ko rin alam kung saan ito nagpunta. Pagkahatid niya sa akin dito, umalis na siya nang walang iniiwang impormasyon
