Nanuot agad sa aking balat ang lamig nang makapasok ako sa loob ng opisina ng student council. Nakasuot lang ako ng isang itim na kamisetang may maliit na check sa gilid at isang maong na kupas na pinaresan ng puting sapatos. Noong unang araw lang yata ako nagsuot ng uniform, hindi naman pala kasi required. Pabor din sa akin iyon, hindi ko na kailangang magplantsa, nakatipid pa sa kuryente.
Nagpasya akong pumasok dahil walang nagbubukas ng pinto o sumasagot man lang kahit na kanina pa ako kumakatok. Maybe Lorcan is sleeping. Ang mga kasama naman niya ay nasa canteen. Kawawa naman ang isang ‘yon, na-late na tuloy ang tanghalian niya. Ang hilig kasi makipaglaro ng mga estudyante niya, napapasabak tuloy ako.
Maingat akong naglakad papasok sa loob. Walang nagagawang kahit na anon
