NANG makarating si Bree sa CIO Headquarters, kaagad siyang nagtungo sa interrogation room. Sinalubong siya ni RK.
“Nagsalita na ba siya?” Tanong ni Bree habang nakatingin sa lalaki na nakaupo sa kabilang silid. Salamin lang ang pagitan nila kaya nakikita niya ito. Nakayuko ang lalaki.
Umiling si RK. “Hindi. Tahimik lang siya at parang wala siyang boses.”
Tumango si Bree. “Let me ask him.” Aniya saka lumabas ng kwartong kinaroroonan at nagtungo sa silid na kinaroroonan ni Diego Sebastian. Sumunod naman si RK.
Umupo si Bree sa upuan na nasa tapat ng lalaki. Umupo naman sa tabi niya si RK at inilapag ang hawak nitong laptop sa mesa. Tumikhim siya at doon lang nag-angat ng mukha si Diego Sebastian.
Huminga ng malalim si Bree at tinignan ang folder na hawak. “Diego Sebastian
