Kabanata 30: A Miracle
(Ximena Laine Cassidy’s Point Of View)
PAGKAGISING ko wala na si PJ sa tabi ko. Bumangon ako para hanapin siya pero nakuha ng attensyon ko si Tope, tulog na tulog ito. Hinalikan ko ang noo niya dahilan para magising siya. “Good Morning Tope,” bati ko sa kaniya.
Ngumiti siya sa akin, pumasok naman na ako sa CR para sa morning rituals ko. Pagkatapos kong gawin iyon si Tope naman ang pinunasan ko para maging mabango na siya. Marahil naglalaro na si PJ sa labas. Usually kasi mas nauunang magising ang batang ‘yon sa akin. “Tope, punasan na kita!” aya ko sa kaniya pero nagkunot ang noo niya.
“Nasaan si PJ?” tanong niya sa akin
“Naglalaro na siguro kasama ang kaibigan niya sa labas,” sabi ko sa kaniya.
Matapos no’n pumasok ang nurse niya para pakainin siya kaya
