Chapter Thirty One
HENYO
HINDI KO alam kung paano ko paniniwalaan nang husto ang mga sinasabi ni Elorde. Hindi ko alam kung paano ko tatanggapin sa sarili ko ang pagkakamaling nagawa ko- ang paniwalaang si Elysse ang siyang nagbibigay sa akin ng saya tuwing umaga.
Alam kong nagkamali ako sa parteng iyon. Naniwala ako kaagad pero wala na akong magagawa, si Elysse na ang nobya ko at mahal ko na siya.
Paano na? Paano ko itatama iyon?
“Henyo!” galit na bungad ni Elysse pagkapasok niya sa opisina kaya nagulat kaming pareho ni El dahil kasalukuyan pa lang kaming nag-uusap.
“Elysse, bakit? Bumalik ka ba? May nakalimutan ka? Tinext mo na lang sa ako para naihatid ko na,” wika ko saka ako tumayo mula sa pagkakaupo ko sa swivel chair.
“Aba, nandito ka pala El. Well, oo bumalik ako dito. Patul
