THIRTY-FOUR(TWO): "No need to wait."
ILANG araw matapos no'ng gabing huling magpakita si ate Gia sa panaginip ko'y hindi na nasundan pa iyon. Hindi na ulit siya nagpakita at hindi ko na ulit siya napanaginipan pa... ibig sabihin ay masaya na nga siya para sa akin ngayong alam niyang masaya na ako.
Tuluyan ko na kasing nilimot ang tungkol sa paghihiganti nang inamin ko na sa sarili kong in love na ako kay Tyrone at tuluyan ko na siyang unti-unting pinapatuloy sa puso ko lalo pa't ngayong nililigawan na din niya ako. Oo, pinanindigan niya ang panliligaw sa akin at ipinakita ang determinasyong nais talaga niya akong maging kasintahan.
Pinatunayan niya ang sarili niya sa pagsuyo sa akin para masungkit ang puso ko gaya nalang no'ng isang umagang pagkagising na pagkagising ko palang ay may na
