Chapter Sixty Eight
“Si Malaya pala,” seryosong sabi ni Sir Tydeus. Bahagya siyang napangiwi habang nakatingin sa ibaba na tila ba may malalim na iniisip.
Kuwinento ni Sir Tyger sa kanilang dalawa ni Sir Tylor ang nangyari, kaya nasa living room ako kasama ang apat na kambal at pinag-uusapan ang tungkol kina Malaya at Typhoeus.
“Sorry, Miss Aina, pero hindi ko masisisi si Typhoeus kung bakit gano’n na lang ang naging reaksyon niya,” saad niya sa akin.
“Well. Dahil kay Malaya, nasira ang buhay ni Typhoeus. Kung alam mo lang kung gaano siya kamiserable noon,” umiiling na sabi ni Sir Tylor. “Sobrang hirap ng pinagdaanan niya bago ulit siya nakabangon,” dugtong niya.
“Siguradong hindi feelings ang naramdaman ni Typhoeus nang makita niya si Malaya, kundi trauma,” aniya pa.
“Ito pang si
