Chapter Seventy Six
Pinupunasan ko ang aking luha na patuloy sa pagpatak habang nakaupo sa tabi ng mga halaman. Sinusubukan kong kumalma pero sa tuwing naalala ko ang ginawa ni Sir Tylor ay naiiyak ulit ako.
Pakiramdam ko, naaamoy ko pa rin ang alak na galing sa kanya.
“Ai!”
Agad akong napalingon nang marinig ang boses ni Typhoeus. Hindi ko na napigilang mapaiyak ulit nang makita siya na dali-daling pumunta sa direksyon ko.
Umupo siya para pumantay sa akin. Hinawakan niya ang magkabilang pisngi ko at tumingin sa aking mga mata.
“What happened?” nag-aalalang tanong niya.
Lalong sumakit ang lalamunan ko at nanikip ang aking dibdib. Imbis na magsalita ay tanging paghikbi na lang ang nagawa ko dahil sa bigat ng aking nararamdaman.
Niyakap ko siya nang mahigpit hanggang sa bumuhos na
