Chapter Forty One
“Ang ganda ni Ma’am Alazne, ’no? Napakaamo ng mukha niya, hindi nakakasawang tingnan. Parang mabait din siya,” ani Manang Laura habang pinupunasan naming dalawa ang mga plato rito sa kusina.
“Oo nga po,” tipid na pagsang-ayon ko habang nakatuon ang atensyon sa pinggan na hawak ko.
“Halatang-halata na sobrang malapit sa kanya ang magkakapatid na Montero. Kanina ko nga lang nakita na umaliwalas ang mukha ni Sir Tyran na madalas pinagsakluban ng langit at lupa, pati si Sir Typhoeus na palaging walang ekspresyon, ngiting-ngiti noong nakita siya,” dagdag niya.
Tama siya. Sobrang saya ng magkakapatid kanina noong dumating si Ma’am Alazne.
“Kaya nga po, eh. Nakakatuwa sila,” sabi ko at pilit na ngumiti.
Biglang sumagi sa isip ko ang sinabi ni Sir Tydeus tungkol kay Sir
