Chapter Twenty Five
Nakatitig lang ako sa kisame at naghihintay na dalawin ng antok. Kanina pa ako hindi makatulog. Siguro dahil matagal akong tulog kanina at baka sa lakas din ng mga hilik na naririnig ko. May contest yata sina Mikay at Manang Laura ng palakasan sa paghilik.
Medyo mabuti na ang pakiramdam ko ngayon. Sa tingin ko rin, puwede na akong magtrabaho bukas. Salamat sa cooling patch na inilagay sa akin.
Napahawak ako sa tiyan ko nang tumunog ito. Bigla akong nakaramdam ng gutom. Hindi nga pala ako masyadong nakakain kanina dahil medyo masama pa ang pakiramdam ko. Nasayang lang din ang niluto ni Sir Tylor, kahit kasi siya hindi rin ’yon nakain dahil sa sobrang sama ng lasa.
“Kakain muna ako.” Bumangon na ako at lumabas ng kuwarto.
Dumiretso ako sa kusina para maghanap ng mga
