Chapter Twenty Eight
PADAUSDOS akong sumandal sa upuan habang nakatingin sa daan. Pauwi na kami ngayon sa mansyon. Ang bilis lang ng tatlong araw na pananatili namin sa bahay. Akala ko nga, hindi sila makakatagal doon pero gusto pa ulit nilang humingi ng dagdag na araw, parang ayaw na rin nilang umuwi. Nakakatuwa lang dahil nag-enjoy talaga sila kahit iba ’yon sa nakasanayan nilang buhay.
Hindi na namin kasabay si Ma’am Veronica. Nauna na siyang umalis dahil mayroon pa raw siyang kailangang ayusin, pero sinabi niyang bibisita ulit siya. Gustong-gusto raw kasi niyang nakikita si Sir Tylor… na nabubuwisit.
Tiningnan ko sa front mirror ang lima na nasa likuran. Mahimbing silang lahat na natutulog. Nakasandal pa sina Sir Tyran at Sir Tylor sa magkabilang balikat ni Sir Tyger, habang ang n
