Chapter Fifty Eight
Mariin akong napakapit sa kumot. Sobrang bilis ng kabog ng dibdib ko. Lalong nadadagdagan ang aking kaba sa bawat hakbang niya palapit na sinamahan pa ng matalim na tingin sa puwesto ko.
“Tyran!” pasigaw na tawag ni Typhoeus.
Napahinto naman siya. Nabuhayan ako ng loob nang humarang sa pagitan namin si Typhoeus.
“Umalis ka na,” malamig na sabi nito.
“Hindi,” tipid na sagot ni Sir Tyran at tumingin nang masama sa kanya.
Medyo nangangawit na ako sa posisyon ko. Gustuhin ko mang gumalaw ay hindi ko magawa dahil baka lalo pang maintriga si Sir Tyran at hablutin na lang bigla ang kumot.
“Brothers!”
Naagaw ang atensyon nila nang marinig ang malakas na sigaw ni Sir Tymon mula sa labas. Natanaw ko siya na dali-daling pumasok sa loob.
“Bilis!” Agad niyang hinawakan
