Chapter Seventy Eight
NAGISING ako dahil sa sikat ng araw na tumama sa aking mukha. Unti-unti kong iminulat ang aking mga mata at tumingin sa buong kuwarto.
Wala na rito si Typhoeus.
Bumangon na ako at inayos ang kama.
Nang matapos ay lumabas na ako para hanapin siya.
Napangiti ako nang makita si Typhoeus sa kusina na abala sa pagluluto, medyo nakakaamoy ako ng parang nasusunog pero hindi ko na siya pinakialaman pa dahil mukhang alam naman niya ang ginagawa.
Hindi ko muna siya inistorbo at dumiretso sa bathroom para makapaghilamos.
Binuksan ko ang storage cabinet at tiningnan ang mga laman sa loob.
May nakita akong toothbrush na hindi pa nakabukas. Mukha ring kumpleto ang mga gamit na nasa loob ng cabinet, may nakita pa akong lipstick sa dulo.
“May lipstick din si Sir Tydeus
