***** AMAN *****
“Hoy! Nababaliw ka na ba?! Tatawag na ba ako sa mental o ng albularyo?” Niyugyog siya ni Kai sa balikat dahilan para magbalik siya sa kasalukuyan.
“Huh?” Maaang na napatingin si Aman sa kaibigan.
“Sabi ko ay nababaliw ka na ba? Ang tagal mong tulala. Kanina pa kita kinakausap.”
Nahimas-himas niya ang kanyang pisngi. “I just remember the times I was with Nakee. At naiinis ako sa sarili ko dahil kay dali kong sinukuan noon ang pag-alam ng katotohanan kung totoo ngang nagpakamatay si Nakee o hindi.”
“Dahil magaling ang kanyang killer. Hindi man lang nag-iwan ng ebidensya o kaya naman ay baka ginamit niya ang kanyang pera para mapagtakpan ang kanyang ginawa,” naghihiwa ng steak na wala sa loob na sabi ni Kai.
Napatanga siya rito. Walang kaalam-alam si Kai na
