Patungo kami ni Kuya Zandro sa airport para sunduin namin sina Daddy at Mommy. Ayaw nilang ma-miss ang engagement party namin ni Nayeli kaya lumipad pa sila ng America patungo rito sa Pilipinas.
Sa susunod na buwan pa iyon gaganapin pero umuwi na sila ngayon para raw makapagpahinga pa sila at magkaroon ng time mag-relax. Balak din kasi nilang mag-travel sa iba't ibang panig ng Pilipinas na kasama kami kaya inagahan talaga nila ang uwi para masulit daw nila ang family bonding namin.
"Hello, Mom, Dad? How's your trip?" tanong ko kaagad sa kanila pagkalabas pa lang nila ng arrival area at sinalubong ko sila. Niyakap ko si Mommy at hinalikan sa pisngi samantalang nakipag-pist bump naman ako kay Daddy.
Ito pa rin ang tawag ko sa kanila imbes na Lolo at Lola dahil apo nila ang asawa ko. Ayaw
