Nakapangalumbaba ako habang nakatanaw kay Zeke na busy sa kanyang laptop. May tinatapos siyang trabaho na 'di raw niya nagawa kanina dahil inuna namin na puntahan si Papa.
Nang umuwi kasi kami rito sa subdivision kanina, inaya ko na siyang pumunta sa bahay ni Papa para mag-usap kami ng ama ko. After two weeks of thinking and deciding, nagkaroon na ako sa wakas ng lakas ng loob na harapin siya.
Hindi pa nga ako handa na humarap kay Papa ngunit sabi ni Zeke na makipag-usap na ako kay Papa tutal, narito na kami, kapitbahay lang din naman namin siya at ayaw ko rin mag-isip siya ng kung ano kung bakit hindi pa ako nagpapakita sa kanya.
Huminga ako ng malalim habang hawak ko sa kamay ang isang baso ng gatas. Naninikip ang dibdib ko kapag minamasdan ko ng ganito si Zeke.
Iniisip ko pa rin ku
