WALA pang alas-sais ng umaga, nasa hardin na si Rael at nakatanaw sa balkonahe ng silid ng dalagang si Dahlia. Maging sa mga oras na iyon, hindi pa rin siya makapaniwala sa nakita kagabi.
Sinusubukan nitong lumabas ng mansiyon sa kalagitnaan ng gabi? Matagal na kaya iyong ginagawa ng babae? Nailing siya. Napakadaming tanong sa isip niya ang gusto niyang mabigyan ng sagot.
Marahas siyang nagbuga ng hangin bago iginala ang tingin sa loob ng hardin. Mula sa mga bulaklak ay natuon ang paningin niya sa mataas na pader ng bakuran. Akala niya, si Dahlia ang tipo ng hindi gagawa ng ganoong bagay, pero mukhang kakaiba nga talaga ang dalaga.
"Iho, ano'ng ginagawa mo rito?"
Mula sa mataas na pader, lumingon siya at natuon ang paningin niya sa pinanggalingan ng boses. Bahagya siyang natigilan nan
