Tumikhim siya bago umiwas ng tingin nang maramdamang pag-iinit din ng mukha niya. Naalala niya bigla ang eksenang nangyari ilang araw na ang nakararaan at maging iyong kanina.
Wala na siyang maitatago sa dalagang amo. Kita na nito ang lahat sa kaniya maging ang... saging niya.
MAHIGPIT na hinawakan ni Dahlia ang laylayan ng suot niyang floral print dress habang naglalakad sila pabalik sa kaniyang silid. Nagpresinta si Rael na ihatid siya sa kaniyang kuwarto bago ito tuluyang bumalik sa silid nito. Gabi na noong mga oras na iyon.
"Thank you sa paghahatid!" Ngumiti siya rito matapos lumapit sa tapat ng pinto ng sarili niyang kuwarto.
Pakiramdam niya ay nasa eskuwelahan siya kung saan inihahatid siya pauwi ng crush niya. Hindi niya tuloy mapigilan ang hindi pamulahan, lalo na sa tuwing m
