Lalong lumapad ang ngiti sa mga labi ni Dahlia. Lumapit ito sa nakatatandang kapatid saka tinulungan ang babae sa mga kailangan nito.
Pinanood naman niya ang dalawa. Kitang-kita sa mukha ni Dahlia kung gaano nito kagusto si Paislee. Isang utos nga lang ng babae, tatalima na agad ito.
"Pakikuha nga ng paminta, half-sis," muling utos ni Paislee matapos nitong magpakuha ng isang baso ng tubig sa dalaga.
Bumubuntong-hiningang tumayo siya saka nilapitan si Dahlia. Inagawan niya ito ng isang halik sa pisngi bagay na ikinagulat ng babae.
"Ako na rito. Bantayan mo na lang ang niluluto mo."
Gulat man, kagat-labing tumango si Dahlia bago nilapitan ang niluluto. Walang pakialam naman niyang inilagay sa ibabaw ng kitchen island ang mga inutos ni Paislee.
Nang makita nitong siya na ang kumukuha n
