"Magpapatulong lang ako. Gusto ko kasing ilipat iyong isang gamit ko na medyo malaki at mabigat. Okay lang naman, `di ba?"
Mula kay Paislee, natuon ang tingin sa kaniya ni Dahlia. Nilingon niya rin ito upang makita ang reaksiyon ng babae. Wala siyang makapa na emosiyon sa mukha nito, pero makalipas ang ilang sandali, nakangiti itong tumango.
"If it's okay with Rael. Of course, ate. Why not?" Bahagya pa itong tumawa.
"Good!" Agad naman lumapit sa kaniya si Paislee at inaya siyang sumunod rito.
Wala man lang itong paalam kay Dahlia nang magsimulang humakbang palayo. Sandali niya itong sinundan ng tingin bago nilingon ang dalagang amo.
"Babalik ako." Tinanguan niya ito at si Sanchez bago sumunod sa dating nobya.
Malayo na ang babae nang humakbang siya para sumunod rito. Hindi na siya na
