"Kung may mangyaring masama sa prinsesa, tandaan mong ikaw ang sisisihin ng lahat! Hindi kita mapapatawad!" Kulang na lang ay magbuga ng usok ang magkabila nitong tainga.
Nailing si Sanchez. "Baliw."
Siya naman ay napaisip sa mga sinabi ng lalaki. Tama naman ang lahat ng iyon. Nakasalalay sa kaniya ang kaligtasan ng bagong amo. Maging noong mahulog sa tubig ang kotseng kinalululanan nito, kung nagkataong nahuli siya nang ilang segundo, paniguradong tapos sila pareho ni Dahlia.
Naramdaman niya ang pag-akbay sa kaniya ni Sanchez at ang bahagyang pagtapik nito sa balikat niya. "Pagpasensiyahan mo na ang kaibigan natin. May gusto kasi iyon sa prinsesa, e."
Sa narinig ay napalingon siya sa lalaki. Natatawa itong tumango na tila ba naiintindihan ang laman ng isip niya.
"Age doesn't matter n
