Ang Sumpa ni Ibarra
AiTenshi
Part 55: Ikalawang Regalo
Pag mulat ng aking mata ay bumalik na sa normal ang aking pakiramdam. Nawala na ang init at kirot na namumuo sa aking mga kalamnan. Ngunit nanghihina pa rin ang aking katawan at pakiwari ko ba ay tumakbo ako sa isang mahabang kalsada ng walang humpay hanggang sa manghina aking tuhod.
Marahan kong itinaas ang aking kamay at pinag masdan ito ng maigi. Pilit kong sinusuri kung anong kakaibang bagay mayroon ang ikalawang regalong ibinigay ng aking tunay na ama at kung anong epekto nito sa aking pag katao.
Isang malalim na buntong hininga ang aking pinakawalan habang nakatitig sa luntiang kalangitan. Tahimik pa rin sa buong lugar, bagamat mataas ang sikat ng araw ay walang init na nararamdaman dito. Ang lagaslas ng tubig sa
