KITANG-KITA ko ang gulat sa anyo niya habang nakatitig sa akin. Pinanatili ko namang blangko ang mukha ko habang nakatitig din sa kanya.
Nagpatuloy siya sa paglalakad palapit sa akin. Hanggang sa maya-maya'y lumipat ang paningin niya sa likuran ko. Naramdaman ko rin ang taong naroroon na ngayon. Si Charm.
Nilingon ko siya at nakita ko rin ang gulat sa anyo niya habang nakatitig kay Gretchen.
"Y-You're here," aniya dito. Lumipat din ang tingin niya sa akin.
May nababasa akong pag-aalala sa mga mata niya na hindi ko alam kung para saan.
Pinili ko siyang ngitian, ganun din si Gretchen. "May tinanong lang ako sa kanya sa loob... Walang ibang nangyari." Pinatamis ko ng husto ang ngiti ko bago ko sila nilampasan.
Wala naman akong narinig na sagot mula sa kanila. Napabuntong-hininga na l
