KINABUKASAN ay maaga kaming nagtungo sa mansion dahil dumating na nga ang pamilya ni Chane, at araw na nga rin ngayon ng kapiyestahan.
Masaya kaming nagyakap ni Tita Lhevy.
"Kumusta kayo dito? Na-miss ko kayo."
"Ayos lang naman po, Tita. Kayo din po? Kumusta po kayong lahat?"
"Okay naman kami. Kayo ang iniisip namin dito dahil kay Chane. Nasaan na nga ba 'yon at si Aya?" Kaagad siyang luminga sa buong paligid.
Nakita din naman kaagad namin ang mag-ama na kaharap na ngayon sila Tito Charlie at mga kapatid niya sa sala. Ipinapakita na ni Chane ang nakabenda niyang kamay sa kanila.
"Ano'ng nangyari dyan?" gulat namang tanong kaagad ni Tita Lhevy kasabay nang pagkalas niya sa akin at paglapit sa anak niya.
Sumunod na rin ako sa kanya. Napalingon na rin sila sa amin.
Hinawakan kaagad
