Chapter 82
Inah
"Aaaaay!" Anong lakas ng tili ko nang kumulong nang malakas at kasunod ang pagguhit ng kidlat. Agad akong lumapit sa bintana para isara iyon.
"Pumasok ka dito!" Singhal ko kay Brando na prente pa rin na nakaupo sa silya, " Kampante ka pa riyan!"
Noon lang siya tumayo at pumasok nga sa loob.
"Isara mo!" Galit na utos ko sa kanya kaya naman agad siyang sumunod, isinara ang pintuang hindi ko alam kung paano siya nagkasyang pumasok.
"Bahay siguro ito ng mga dwende," sabi niya.
Ang yabang niya. Porke ang laki niyang tao.
"Mamintas ka pa. Wala naman nagsabi sa'yo na pumunta ka rito."
"Meron," sagot niya.
"Sino naman?"
"Ako."
Hmp. Agad akong umismid. Kumukurap ang ilaw, dahil siguro sa lakas ng ulan. Kahit naman ganito ang bahay, wala naman ditong tumutulo.
"What's yo
