"KUNG ako ang tatanungin mo sa bagay na iyan o ang tungkol sa iyong panaginip ay maaring nagpaparamdam ang panganib sa ating buhay. About war zone? Baka dinalaw ka ng nakaraan mong buhay. I mean, about your military works," pahayag ni Ginoong Jameston sa anak.
Sinadya naman kasi silang mag-asawa sa kanilang silid. Umagang-umaga at dapat ay naghahanda na ito sa pagpasok sa AGDA. Subalit nasa kabahayan pa.
"Iyon nga po ang sinabi ng asawa ko, Daddy. Dahil kahit ang mga lugar at pangalan ng tao ay wala akong matandaang ganoon. Sa paglipas ng panahon ay unti-unting bumalik ang aking ala-ala ngunit talagang Mindanao at Visayas ang napuntahan ko bago ako nagka-home based," saad naman ni Jervin.
"Ayon sa aking pagkaunawa batay sa iyong paliwanag ay parang nasa medieval times. Dahil nga arrows
