MAKIKITA sa mukha ni Morris ang kakalmahan sa kabila ng paghabol na ginawa ng Panthers sa kanilang score. Pinagsasabihan pa ng kanilang coach ang kanyang mga players tungkol sa mga nangyari. Si Rommel ay pagod na pagod naman ng quarter na iyon. Napatingin pa ito sa bench ng Canubing at hindi niya matanggap na nakapuntos ng mahigit bente si Mendez sa loob ng isang quarter.
“Relax ka lang Rommel, tayo pa rin ang mananalo...” wika ni Morris sa binata na katabi niya. Ramdam niya ang frustrations sa kanilang point guard.
“Malakas si Mendez... Pero mas malakas ang ating team. Ako na ang bahala sa second half. Makikita mo, mapapagod sila habang tayo ay may lakas pang natitira,” seryoso pang sinabi ni Morris kay Alfante na kasalukuyang nagpupunas ng pawis sa mukha nito at leeg.
“Nakaka
