Matapos hamigin ang sarili ay nagpaalam na siya kay Gemma, bagaman, puno pa rin ang panghihinala ang dating katrabaho ay wala itong nagawa.
Bago siya tumayo ay muli siyang napatingin sa puting envelop sa ibabaw ng mesa ni Frank at dahil doon ay hindi maipagkakailang kasunod rin ang tingin si Gemma sa kanya.
"Sure ka bang, ayos ka lang, namumutla ka?" puna nito sa kanya. "Kung gusto mo ay magpahinga ka muna," mungkahi pa nito na kinailing na niya. Ayaw niyang abutan pa siya roon ni Frank.
"A-Ayos lang ako," kaila niya kay Gemma saka marahang tumayo sa kinauupuan niya. Wala itong nagawa nang magpumilit siyang umalis na, ngunit hindi pa man siya nakakalabas sa may pintuan ng opisina ni Frank ay naagaw ang pansin niya sa sinabi ni Gemma.
"Alam mo bang ipinahanap ka pa niya?" anito. Hindi
