PRECY
Pakiramdam ko ay biglang humiwalay ang kaluluwa sa katawan ko ng marinig ko ang malakas at sunod-sunod na katok mula sa labas ng pintuan, pati na rin ang tinig ng anak ko at tinatawag kaming dalawa ni Aryan.
Kahit nanghihina pa ako at naghahabol ng hininga ay mabilis na naitulak ko si Aryan at bumaba sa kama. Agad na pinulot ang nagkalat na mga damit niya sa sahig at binigay sa lalaking abot-tenga pa yata ang ngiti, habang ako naman ay nataranta dahil naririnig kong tinatawag kami ng anak namin.
“Bilisan mo na. Magbihis ka na at nasa labas ang anak ko,” nandidilat ang mga matang utos ko kay Aryan habang mabilis na naghahanap ng damit na isusuot ko.
Narinig ko siyang nagrereklamo na anak din daw niya ang kambal pero hindi ko na pinansin.
Mabilis na naisuot ko ang damit pambahay n
