Nginisihan ko siya. Alam ko ang binabalak ni Jamilla kaya inunahan ko na siya.
“Gusto mong iligpit ako ni Draven ng dahil sa iyo?” nanunukso na tanong ko sa nakasimangot na kinakapatid ko.
“Ang weak mo, Aryan!” singhal sa akin ni Jamilla, pero tinawanan ko lang.
“Alam mong hindi madaling mawala sa landas ko si Draven. Kung bakit kasi gusto rin niyang makuha ang leadership sa council, eh, alam naman niyang matagal ko ng pinaghahandaan yun?”
Nagkibit-balikat lang ako. Noon pa man ay alam kong pareho nilang gustong makuha ang leadership sa council kaya naging matindi ang kompetisyon sa pagitan nilang dalawa dahil walang gustong magbigay para sa isa.
“Gusto ko lang nang fair and healthy competition. Sinabihan na ako ni Lolo Sabby na huwag makialam sa inyong dalawa para patas ang laban,”
