The Soldier And I
Book 3
AiTenshi
Aug 19, 2020
Part 47: Alien War
"Bakit ang laki naman yata ng isang iyan?" tanong ni Ed noong makita namin ang isang mas malaking version ng mga Anucian. Literal na higante ito, maraming galamay at mayroon kulay gintong kalasag sa ulo. Parang mas superior at mas mataas na uri ng Anucian ang datingan dahil noong bumaba siya ang lahat ay huminto at nag bigay pugay sa kanyang pag dating. "Iyan si Huphup Anuukaa. Ang isa sa mga hari ng Anucian sa kanilang planeta. Ang isang Anucian na ipinangak sa hanay ng mga dugong bughaw ay mas malalaki, mas maraming gamalay at mas may kakayahang mag parami gamit ang iba't ibang organismo bilang host. Sa mga katuwid, ang mga anyo ng Anucian ngayon ay pinag halo halo na lamang na lahi ng iba't ibang nilalang sa galaxy.
