Mavis Nhea's P. O. V.
Nang bumalik kami sa eskwela. Hindi naging normal ang pag-aaral ko. Napakalaki ng nagbago simula nang magbago rin ang itsura ko, ito ang gusto ko noong una pero parang ang hirap-hirap din pala. Lalo na ngayon, nalulungkot ako na malamang nagsisinungaling sa akin si Ardel, sinabi niyang wala siyang girlfriend. Imposible namang wala. Sino yung babae na 'yon sa buhay niya? Kahit ayoko magselos, hindi ko maiwasan.
"Mavis, bakit ayaw mo galawin 'yan? Hindi ba masarap?" puna sa akin ni Bella.
Napatingin ako sa kanila. Nandito kami ngayon sa cafeteria at kumakain ng lunch. Sabay-sabay kaming apat kumain.
"Masarap naman," singhal ko.
Kinuha ko ang kutsara at nagsimula nang kumain. Pansin ko naman ang paninitig nila sa akin.
"B-Bakit?" naiilang kong tanong.
"Do you have
