AGAD na napatanong si Vivian nang mapansin na wala na si Nathaniel sa silid. Hindi nman siya sinagot ni Ciara na nananatiling tahimik at nag-iisip sa isang tabi. Napalingon lang si Ciara sa kaniya nang kalabitin niya ito.
"Ano, Ciara? Okay ka lang?" nag-aalalang tanong ni Vivian sa kaniya.
"Ha?"
"Sabi ko ayos ka lang ba? Kanina ka pa na parang ang lalim ng iniisip mo," reklamo ni Vivian.
"Ano ba kasing sinasabi mo?" pag-uulit ni Ciara. Napailing naman si Vivian sa kinikilos niya. Pakiramdam niya ay may tinatago ang kaibigan at natatakot itong may makaalam.
"Tinanong ko lang kung nasaan si Nathaniel," pag-uulit ni Vivian. Malulungkot ang mga mata nang tingnan siya ni Ciara.
"In the hospital," simpleng sagot ng dalaga. Napatango naman si Vivian at alam niya na kung bakit ganoon na la
