UMIHIP nga ang hindi kalakasan hangin sa paligid. Nakahiga pa rin si Laxus nang sandaling iyon habang nakapatong sa mukha niya ang kanyang kanang braso. Nakatakip iyon sa mga mata niyang nakapikit. Naisipan na nga lang muna niyang matulog upang malimutan ang kalungkutang biglang bumalot sa dibdib niya nang hindi inaasahan.
Panalo naman siya laban kay Theos… Nagawa na nilang mapabagsak ang Council, kahit pa sabihing nawasak ang buong Domain City dahil sa pinuno ng Pentagon na kanyang tinalo.
Ilang sandali pa ay unti-unti nang dumating ang grupo nina Cruxade at ngayon ay tumambad sa kanila ang nagkalat na mga kung ano-anong bagay sa paligid. May mga malalaking tipak pa nga ng semento ang nakabaon sa lupa at mukhang ito ay nagmula pa sa mga gusali na nasa Domain City. Nakita pa nga nila sa
